ଦେବବ୍ରତ ଦାସଙ୍କ ସଂକ୍ଷିପ୍ତ ପରିଚୟ:
ଦେବବ୍ରତ ଦାସ (ଜନ୍ମ: ୮ ଜୁନ ୧୯୮୭) ଓଡ଼ିଆ ସାହିତ୍ୟ ଜଗତର ଜଣେ ପ୍ରତିଭାଶାଳୀ କଥାକାର, ଉପନ୍ୟାସିକ, କବି, ସମ୍ପାଦକ ଓ ସଂଗଠକ। ବାଲେଶ୍ୱର ଜିଲ୍ଲାର ସୋର ଅଞ୍ଚଳର କେଦାରପୁର ଗ୍ରାମରେ ଜନ୍ମଗ୍ରହଣ କରିଥିବା ସେ, ନିଜ ସୃଜନଶୀଳ ଲେଖନୀ ମାଧ୍ୟମରେ ଓଡ଼ିଆ ସାହିତ୍ୟକୁ ନିରନ୍ତର ସମୃଦ୍ଧ କରିଆସୁଛନ୍ତି। ତାଙ୍କର ଗଳ୍ପମାନେ ସାଧାରଣ ଜୀବନର ଅନୁଭୂତି, ମାନବିକ ମୂଲ୍ୟବୋଧ ଓ ସମାଜିକ ପରିପ୍ରେକ୍ଷକୁ ସହଜ ଓ ଗଭୀର ଭାବରେ ଦେଖାଏ। ଗଳ୍ପ ସଂକଳନ 'ସ୍ପର୍ଶ ଓ ଅନ୍ୟାନ୍ୟ ଗଳ୍ପ' ପାଇଁ ସେ ୨୦୨୧ ମସିହାରେ 'କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର'ରେ ସମ୍ମାନିତ ହୋଇଥିଲେ। ତାଙ୍କର ଗଳ୍ପ ସଂକଳନ 'ଲାଞ୍ଜ' ତାଙ୍କ ସୃଜନ ଯାତ୍ରାକୁ ଆଉ ଅଧିକ ଆଗକୁ ବଢ଼ାଇଛି ଓ ନୂତନ ଦିଗ ଦେଇଛି। ସାହିତ୍ୟ କ୍ଷେତ୍ରରେ ତାଙ୍କ ଅବଦାନ ପାଇଁ ସେ 'ମନୋଜ ଦାସ ସ୍ମୃତି ପୁରସ୍କାର', 'ଅଖିଳମୋହନ ଯୁବ ପୁରସ୍କାର', 'ଆମ ଅକ୍ଷର କଥାକାର ସମ୍ମାନ', 'ଗାଁ ମଜଲିସ ସାହିତ୍ୟ ସମ୍ମାନ', 'ସୌରଭ କଥାକାର ସମ୍ମାନ' ଓ 'ବୈତରଣୀ କଥାକାର ସମ୍ମାନ' ସହିତ ଅନେକ ସମ୍ମାନରେ ସମ୍ମାନିତ ହୋଇଛନ୍ତି। ତାଙ୍କର ପ୍ରମୁଖ ପ୍ରକାଶିତ କୃତିମାନଙ୍କ ମଧ୍ୟରେ 'ଲାଞ୍ଜ', 'ସ୍ପର୍ଶ ଓ ଅନ୍ୟାନ୍ୟ ଗଳ୍ପ', 'ଠ', 'ମାୟା', 'ଆଉଜଣେ ଆମ୍ରପାଲି' ଓ 'ଚାଲ ରୂପା ଗାଁ ଦେଖିଆସିବା ଚାଲ' ଉଲ୍ଲେଖନୀୟ। ଲେଖନୀ ସହିତ ସେ ସାହିତ୍ୟ ଓ ସାଂସ୍କୃତିକ କାର୍ଯ୍ୟରେ ମଧ୍ୟ ସକ୍ରିୟ ଭାବେ ଜଡିତ। ସେ 'ହର୍ଷେ ଇ', 'ମାଟିଖଡ଼ି' ଓ 'କଳାପଟା'ର ପ୍ରତିଷ୍ଠାତା ଏବଂ 'କାଟତି' ପତ୍ରିକାର ସମ୍ପାଦକ। ସୃଜନଶୀଳ ଲେଖନୀ ଓ ସଂଗଠନମୂଳକ କାର୍ଯ୍ୟଦ୍ୱାରା ଦେବବ୍ରତ ଦାସ ଆଜିର ଓଡ଼ିଆ ସାହିତ୍ୟରେ ନୂତନ ପିଢ଼ୀ ପାଇଁ ଏକ ପ୍ରେରଣାଦାୟକ ଓ ସମ୍ମାନନୀୟ ନାମ ଭାବେ ପରିଚିତ।